पुणे - लोकभावनेचा आदर करून संभाजी बिडीच्या नावात बदल करण्यात आला आहे. आता संभाजी बिडी ही साबळे बिडी या नावाने येत्या एक फेब्रुवारीपासून बाजारात येणार आहे, अशी माहिती साबळे-वाघिरे कंपनीचे संचालक संजय साबळे यांनी शनिवारी पत्रकार परिषदेत दिली.
संभाजी ब्रिगेडसह काही सामाजिक संघटनांनी महापुरुषांच्या नावावर तंबाखूजन्य पदार्थ विक्री करण्यास बंदी घालण्यात यावी. तसेच, संभाजी बिडीचे नाव बदलण्याची मागणी केली होती. या पार्श्वभूमीवर साबळे म्हणाले, 1932 पासून मुंबईत हा उद्योग-व्यवसाय सुरू झाला असून, त्यावर सध्या 60 ते 70 हजार कामगारांचा प्रपंच सुरू आहे. वडीलांचे पणजोबांचे नाव संभाजी असल्यामुळे उद्योगाला ते नाव दिले होते. संभाजी महाराज हे आमचे दैवत आहे.
- पुण्याच्या बातम्या वाचण्यासाठी येथे ► क्लिक करा
संभाजी बिडीचे नाव बदलताना व्यवसायावर परिणाम झाल्यास रोजी-रोटीचे काय, असा प्रश्न कामगारांनी उपस्थित केला होता. परंतु कामगारांना अडचण येणार नाही, यासाठी आमचे प्रयत्न राहतील. कंपनीचे संचालक राहुल साबळे आणि निखिल साबळे या वेळी उपस्थित होते.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.